Mis metal tədarükünün ABŞ-dan kənarda tədarük çatışmazlığı ilə bağlı narahatlıqlar fonunda rekord qiymətə yüksəlib.

Qaziler.az xəbər verir ki, bu barədə London Metal Birjası məlumat yayıb.

Qeyd olunub ki, üçaylıq mis fyuçerslərinin qiyməti ticarət zamanı tonuna görə 14 617 dollara yüksələrək əvvəlki gün müəyyən edilmiş rekordu yeniləyib. Cari ilin əvvəlindən mis fyuçersləri 16% bahalaşıb.

Şanxay Fyuçers Birjasında mis üzrə ən aktiv ticarət olunan kontraktların qiyməti çərşənbə axşamı 1,3% artaraq tonuna görə 110,62 min yuana (16 484 dollar) çatıb. Ticarət zamanı kotirovkalar ton başına 110,89 min yuana yüksələrək yanvarın 30-dan bəri ən yüksək səviyyəni görüb.

QAZİLER.AZ