Meyvə bazarında canlanma yaranıb. Axar.az-a verilən məlumata görə, qış fəslinin meyvələrində qiymətlər dəyişməz olaraq qalıb.
Yerli məhsulların qiyməti manatın üzən məzənnəyə keçidindən əvvəlki məbləğdədir. Satıcıların sözlərinə görə, hazırda Lənkəranda yetişdirilən kivinin kilosu 2 manat 50 qəpikdir. Eləcə də banan 2 manat 50 qəpiyə satılır.
Almanın kilosu 60 qəpikdən 2 manata qədər dəyişir. Heyva 1 manat 80 qəpik, narıngi isə 1 manat 60 qəpikdir. Bazarlarda portağal, xurma və əzgil isə 2 manatdır.
