Hindistan xarici xəzinələrdən qızıl ehtiyatlarının geri qaytarılması prosesini əhəmiyyətli dərəcədə sürətləndirib.

Qaziler.az xəbər verir ki, bu barədə “Bloomberg” yazır.

Dərc olunmuş məlumatlara görə, ölkənin qızıl ehtiyatlarının 65%-dən çoxu hazırda ölkə daxilində saxlanılır ki, bu da dörd il əvvəlki səviyyədən təxminən iki dəfə çoxdur.

Cari maliyyə ilinin ilk altı ayı ərzində Hindistan hakimiyyəti təxminən 64 ton qiymətli metalın geri qaytarılmasını təşkil edib. Ölkənin ümumi beynəlxalq ehtiyatlarında qızılın payı mart ayında 11,70%-dən sentyabr ayının sonunda 13,92%-ə yüksəlib.

Bu günə qədər Hindistanın ümumi qızıl ehtiyatları 880 tona çatıb ki, bunun 576 tonu ölkə daxilində saxlanılır. Bu rəqəm bütün zamanların ən yüksək göstəricisidir, halbuki 2022-ci ilin sentyabr ayında ümumi qızıl ehtiyatlarının yalnız 38%-i ölkə daxilində saxlanılıb.

Ekspertlər bu tendensiyanı qlobal iqtisadi qeyri-sabitlik və Rusiyanın beynəlxalq ehtiyatlarının dondurulması presedenti ilə əlaqələndirirlər.

QAZİLER.AZ