Avropa Komissiyası büdcədən maliyyələşməni Aİ üzv dövlətlərinin pensiya islahatları ilə əlaqələndirməyi planlaşdırır.

Qaziler.az bildirir ki, bu barədə TASS "Politico"ya istinadən məlumat yayıb.

“Avropa Komissiyası pensiya islahatlarını Aİ-nin növbəti iki trilyon avroluq büdcəsindən nağd ödənişlərlə əlaqələndirməyi nəzərdən keçirir”, - nəşr Brüsselin üç yüksək vəzifəli rəsmisinə istinadən yazır.

Xarici nəşr 2023-cü ilin məlumatlarına istinadən qeyd edir ki, Aİ təqaüdçülərinin 80%-i yalnız dövlət pensiyaları hesabına yaşayır və Aİ-də hər beş nəfərdən biri yoxsulluq həddində yaşayır.

Nəşrin mənbələrinə görə, Aİ paytaxtları öz ölkələri üçün tövsiyələrə məhəl qoymasalar, 2028-ci ildən etibarən yeni yeddiillik büdcə çərçivəsində müəyyən maliyyə vəsaiti ala bilməyəcəklər.

QAZİLER.AZ