Bu ilin ilk 10 ayında Gürcüstanın Azərbaycana borcu 10 milyon 806 min dollar təşkil edib. Report xəbər verir ki, bu haqda ölkənin Maliyyə Nazirliyi məlumat yayıb. Məlumata görə, cari il oktyabrın 31-dək ölkənin xarici borcunun həcmi 4,2 milyard dollar təşkil edib. 2015-ci il başlayandan Gürcüstanın xarici borcu 4 milyon dollar artıb.
Ölkənin 17 dövlətə 718 milyon dollar kredit borcu var. Bu siyahıda birinci yerdə Almaniyadır. Gürcüstanın bu ölkəyə 270 milyon 423 min dollar, Rusiyaya 88 milyon 369 min dollar, Türkiyəyə 20 milyon 668 min dollar, Azərbaycana 10 milyon 806 min, İrana isə 8 milyon 422 min dollar borcu var.Gürcüstanın Azərbaycana nə qədər borcu var?
