Ötən gecə Xətai rayonunda yol qəzası baş verib. APA TV-nin məlumatına görə, 8 saylı "BakuBus"un avtobusu "Maserati" markalı avtomobillə toqquşub.
Qəza rayonun Afiyəddin Cəlilov küçəsində qeydə alınıb. Sərnişin avtobusu sola dönən zaman "Maserati"ni gözləməyib. Nəticədə toqquşma baş verib. Qəza zamanı xəsarət alan olmayıb. Hadisə yerinə Dövlət Yol Polisinin Xətai Rayon Şöbəsinin əməkdaşları gəliblər.Faktla əlaqədar araşdırma aparılır.
