Avropa şirkətləri Rusiya qazının Ukrayna ərazisindən idxalı ilə əvəzlənməsinə dair razılaşmaya daha yaxın deyil.

Qaziler.az xarici KİV-ə istinadla xəbər verir ki, bu barədə Slovakiyanın dövlət qaz alıcısı SPP açıqlama verib.

Moskva və Kiyev arasında Rusiya qazının Ukrayna vasitəsilə Avropaya ixracına dair hazırkı 5 illik müqavilənin müddəti ilin sonunda başa çatır və bu, Aİ-ni marşrutun açıq saxlanılması üçün danışıqlar apararkən alternativ qaz mənbələri, o cümlədən Azərbaycandan axtarmağa məcbur edir.

Rusiya qonşusu ilə müharibəyə baxmayaraq Ukrayna vasitəsilə tədarükünü davam etdirməyə hazır olduğunu bildirib, Kiyev isə qaz ixracı ilə bağlı Moskva ilə danışıqlardan imtina edib.

"Bloomberg" məlumatlı mənbələrə istinadən məlumat vermişdi ki, Macarıstan və Slovakiya şirkətləri Azərbaycandan ildə 12-14 milyard kubmetr qaz tədarükü üçün müqavilə imzalamağa yaxındırlar.

"Biz bu mövzunu mütəmadi olaraq tərəfdaşlarımızla müzakirə edirik, lakin SPP-nin iştirakı ilə qaz tədarükü müqaviləsinin bağlanacağı barədə məlumatlar həqiqətə uyğun deyil", - şirkətin "Reuters"in yaydığı bəyanatda deyilir.

Azərbaycanın enerji şirkəti SOCAR-da da iki mənbə məlumatı təkzib edib.

QAZİLER.AZ