Finlandiyanın elektronika istehsalçısı Nokia, 2023-cü ilin üçüncü rübündə xalis mənfəətinin keçən ilin eyni dövrü ilə müqayisədə üç dəfədən çox azalması fonunda geniş miqyaslı işçilərin ixtisarını elan etdi. Bu barədə şirkətin press-relizində məlumat verilib.

Nokia, iyul-sentyabr aylarında şirkətin xalis mənfəətinin bir il əvvəl 428 milyon avroya nisbətdə 133 milyon avro təşkil etdiyini bildirdi. Gəlir 20% azalaraq 6,241 milyard avrodan 4,982 milyard avroya düşüb. Analitiklər xalis mənfəətin 395 milyon avro və gəlirin 5,66 milyard avro olacağı ilə bağlı daha yüksək konsensus proqnozu veriblər.

QAZİLER.AZ  verdiyi məlumata görə, telekommunikasiya avadanlıqlarının istehsalı ilə məşğul olan Nokia-nın bütün bölmələrində gəlirdə azalma qeydə alınıb. Əməliyyat marjası 200 baza bəndi azalıb. Buna baxmayaraq, şirkət 2023-cü il üçün əvvəlki gəlir proqnozunu təsdiqləyib. Bununla belə, Nokia, xərcləri azaltma proqramı çərçivəsində işçilərini 14 min nəfər ixtisar etməyi planlaşdırdığını da açıqladı. Hazırda şirkətdə 86 min işçi çalışır.

Avqustun sonunda Birləşmiş Ştatlar 2020-ci ildən bəri ən çox işdən çıxarılma sayını qeyd edib

QAZİLER.AZ