Sentyabrın 20-21-də Azərbaycan Dəniz Mühəndisliyi və İnşaat MMC (AMEC) tərəfdaşlığı və Azərbaycan Beynəlxalq Avtomobil Daşıyıcıları Assosiasiyasının (ABADA) təşkilatçılığı ilə “Qara dəniz-Xəzər logistika 2023: dəhlizlər, yüklər, infrastruktur” forumu keçiriləcək.
QAZİLER.AZ "APA-Economics"-ə istinadən xəbər verir ki, forumda müasir reallıqlar, logistika şirkətlərinin və yük sahiblərinin Qara dəniz və Xəzər dənizi ölkələrinin ərazisindən keçən nəqliyyat dəhlizlərindən fəal istifadəsi və bu dinamikada yeni xidmətlərin, marşrutların və infrastrukturun inkişafı məsələləri müzakirə ediləcək.
