Bu gün qızılın qiyməti Yeddilik Qrupu (G7) ölkələrinin Rusiyadan qızıl külçə idxalını qadağan etmək planları fonunda bahalaşıb.

Modern.az xəbər verir ki, bu barədə “Reuters” agentliyi məlumat yayıb.

Belə ki, qızılın qiyməti bazar ertəsi günü 0,5% artaraq unsiya üçün 1835,75 dollara, ABŞ fyuçersləri isə 0,4% artaraq 1837,30 dollara çatıb.

“Oanda” şirkətinin baş analitiki Ceffri Halli bildirib ki, G7-nin Rusiyadan qızıl idxalına mümkün qadağası Asiya ticarətinə müəyyən qısamüddətli təsir göstərəcək. Eyni zamanda, o, bu tendensiyanın qiymətləri dəstəkləyəcək tələb və təklif proqnozunda struktur dəyişiklikləri qeyd edəcəyinə şübhə etdiyini söyləyib.