Türkiyə təhlükəsizlik qüvvələri Diyarbəkirin Sur və Silvan qəsəbələrində “müstəqillik” elan edən Demokratik Bölgələr Partiyasının yerli təşkilatının rəhbərlərini və bələdiyyə sədrlərini həbs edib.

APA TV-nin məlumatına görə, əməliyyat zamanı 30-dək şəxsin həbs olunduğu bildirilir. Həbs olunanlar arasında Silvan bələdiyyəsinin sədr müavini də var. Hazırda bölgədə həbslər davam edir. Xatırladaq ki, Türkiyə prezidenti Rəcəb Tayyip Ərdoğan DBP-nin “müstəqillik” elan etməsi ilə bağlı suala “separatçılığın əvəzini artıqlaması ilə alacaqlar” cavabı vermişdi.

Diyarbəkirin Lice qəsəbəsində terrorçularla təhlükəsizlik qüvvələri arasında atışma hələ də davam edir. Atışmada şəhid olan hərbçilərin sayı 3-ə çatıb. Atışmanın ilk saatlarında yaralanan dörd hərbçi xəstəxanaya çatdırılıb. Həkimlərin səyinə baxmayaraq onlardan birinin həyatını qurtarmaq mümkün olmayıb.