“Son bir-iki il ərzində 2000-dən çox şəxsin əmək pensiyasının əksik ödənildiyi aşkarlanıb. Nəticədə həmin şəxslərin əmək pensiyaları təkrar olaraq yenidən hesablanıb”.
Qaziler.az xəbər verir ki, bu fikirləri Dövlət Sosial Müdafiə Fondunun Xüsusi Şərtlərlə Təyinat üzrə Mərkəzi Filialının direktoru Şahin Əliyev deyib.
Onun sözlərinə görə, pensiya məbləğləri orta hesabla 633 manatdan 739 manata qədər artırılıb: “Həmin kontingentə keçmiş dövr üzrə ödənilməli olan 3 milyon manatdan artıq vəsait hesablanıb. Həmin vəsait də ödənilməkdədir”.
