Paşayeva əməkdar incəsənət xadimini təbrik etdi

Paşayeva əməkdar incəsənət xadimini təbrik etdi backend

Milli Məclisin Mədəniyyət Komitəsinin sədri Qənirə Paşayeva əməkdar incəsənət xadimi, kinorejissor Cəmil Fərəcovla Mədəniyyət Komitəsində görüşüb.

Qazilər.az xəbər verir ki, millət vəkili C.Fərəcovu 75 illik yubileyi münasibəti ilə təbrik edib.

“Hörmətli Cəmil müəllim, sizi - tanınmış kinorejissoru, respublikamızın əməkdar incəsənət xadimini 75 illik yubileyiniz münasibəti ilə təbrik edir, möhkəm can sağlığı diləyirik!

Sizin "Azərbaycanfilm" kinostudiyasındakı uzunmüddətli rejissorluq fəaliyyətiniz məhsuldar olub. Siz həmişə öz kübarlığınız, təmənnasızlığınız və təvazökarlığınızla seçilən ziyalı olmusuz.

Mədəniyyət Komitəsi adından Sizi bir daha təbrik edir, ən xoş arzularımızı yetiririk!” – millət vəkili deyib.

Kinorejissora Komitə adından təbrik məktubu və üzərində “Qarabağ - Azərbaycandır!” yazılmış qol saatı təqdim edilib.

Yubilyar səmimi görüş və təbrik üçün Komitə sədrinə təşəkkür edib.