Payızın əvvəllərində Mədəniyyət və Turizm Nazirliyi tərəfindən Bakı şəhərində kitab yarmarkası keçiriləcək. Bu barədə Bakı Şəhər Mədəniyyət və Turizm İdarəsinin rəsmi saytında məlumat verilir.

16-18 sentyabr tarixlərində Bakı İdman Kombinatında (Əl Oyunları İdman Sarayında) IV Bakı Beynəlxalq Kitab Sərgi-Yarmarkası təşkil olunacaq.

Bakı Şəhər Mədəniyyət və Turizm İdarəsinin şəbəkəsinə daxil olan Mərkəzləşdirilmiş Kitabxana Sistemləri və M.Ə.Sabir adına şəhər kütləvi kitabxanası tərəfindən də əhalinin asudə vaxtını səmərəli keçirməsi, cəmiyyətdə mütaliənin təbliği, mütaliə vərdişlərinin inkişaf etdirilməsi, kitabxanalara ictimai marağın artırılması məqsədilə IV Bakı Beynəlxalq Kitab Sərgi-Yarmarkası çərçivəsində müxtəlif sərgilər təşkil ediləcək.