Məşhur Bollivud aktyoru Rişi Kapur vəfat edib.

NDTV telekanalı məlumat verir ki, uzun müddətdir xərçəng xəstəliyindən əziyyət çəkən 68 yaşlı aktyor Mumbay şəhərinin xəstəxanalarından birində vəfat edib.

Xərçəng xəstəliyindən əziyyət çəkən aktyor ölümündən bir az əvvəl xəstəxanaya yerləşdirilmişdi. O, ABŞ-da bir illik müalicə alandan sonra 2019-cu ilin sentyabrında Hindistana qayıtmışdı.

Rişi Kapur əfsanəvi hind kino xadimi - rejissor və aktyor Rac Kapurun oğlu idi.

Bir çox ekran əsərlərində yer almış aktyor daha çox “Bobbi” filmindəki rolu ilə məşhurdur.