Mədəniyyət və Turizm Nazirliyindən QAZİLER.AZ-a verilən məlumata görə, 2015-ci ildə Hacıqabul şəhər Uşaq Musiqi Məktəbinin yaradılmasının 25 ili tamam olur. Sözügedən tədris müəssisəi uşaq və yeniyetmələrin incəsənətə cəlb olunması, onların estetik zövqünün formalaşması, gənc istedadların üzə çıxarılması sahəsində əhəmiyyətli iş aparır.
Hazırda məktəbdə fortepiano, violin, tar, kamança, qarmon, nağara, qoboy ixtisasları üzrə 200-dən çox şagird təhsil alır, 50-yə yaxın müəllim çalışır.25 illik yubileyi ilə əlaqədar Hacıqabul şəhər Uşaq Musiqi Məktəbi və məktəbin bir qrup müəllimi Azərbaycan Respublikası Mədəniyyət və Turizm Nazirliyinin Fəxri Fərmanı ilə təltif olunmuşdur.
