Müğənni İbrahim Tatlısesin keçmiş xanımı Ayşegül Yıldıza etdiyi evlilik təklifinə cavab gecikməyib.

Axşam.az Türkiyə mətbuatına istinadən xəbər verir, Ayşegül İbrahimə hörmət etdiyini, lakin onunla bir daha evlənməyəcəyini bildirib:

“Ona hörmətim və sevgim sonsuzdur. Özü də çox yaxşı atadır. Amma bundan sonra ortaq nöqtəmiz ancaq qızımız Elif Ada ola bilər və təkrar evlənməyimiz mümkün deyil. Boşandığımız andan etibarən mənim üçün o səhifə bir daha açılmamaq üzrə bağlanıb. Amma hər an sağlam, xoşbəxt olması mənim üçün şərtdir”.

Qeyd edək ki, ötən gün “Seda Sayanla” verilişində Tatlıses Yıldıza səslənərək ona evlilik təklifi etmiş və demişdi:

"Bir daha evlənməyi düşünürəm. Elifin anası, Ayşəgül Yıldıza evlənmə təklifi edirəm. Ona aşiq deyiləm, amma evlənmək istəyirəm. Özünə bu barədə heç vaxt deməmişəm. Ekrandan ona səslənirəm".

Qeyd edək ki, İ.Tatlıses uzun müddət sevgili olduğu Ayşəgüllə 2011-ci ildə ailə qurub. Evliliklərinin ikinci ilində onların Elif adlı bir qızı olub. Lakin cütlük 2013-cü ildə qarşılıqlı anlaşma nəticəsində ayrılıb.