Ağdamda Heydər Əliyevin anadan olmasının 92-ci ildönümü münasibətilə kitab bayramı keçirilir. Qaziler.az-ın verdiyi xəbərə görə, bu gün Ağdamda Ümummilli Lider Heydər Əliyev anadan olmasının 92-ci ildönümü münasibətilə kitab bayramı keçirilir.

Tədbirin təşkilatçısı Azərbaycan Naşirlər və Poliqrafçılar İctimai Birliyinin sədri, “Təhsil” Nəşriyyatının rəhbəri Bəhruz Axundovdur. 18-ə yaxın nəşriyyatı bu tədbirdə iştirak edir.

Ağdam rayon İcra Hakimiyyətinin başçısı Raquf Məmmədov tədbiri açıq elan etdikdən sonra Heydər Əliyevin şərəfli ömür yoluna nəzər saldı.

Sonra millət vəkili Aqil Abbas, professor Cahangir Məmmədli, yazıçı-publisist Ənvər Əhməd, “525-ci qəzet”in baş redaktoru Rəşad Məcid və şair German çıxış etdilər.

Kitab bayramında dramaturq Əli Əmirli, yazıçı Mustafa Çəmənli, “Təzadlar” qəzetinin baş redaktoru Asif Mərzili, “Qazilər.az” saytının baş redaktoru Rey Kərimoğlu, Ağdam ziyalılarından Habil Qurbanov, Elbrus Abbasov, Qarabağ Qazilər Birliyinin Ağdam rayon şöbəsinin sədri Şamil Əbilov və döyüşçülər iştirak edirlər. Kitab bayramında müxtəlif nəşriyyatlar nəşr etdikləri kitabları sərgiləyirlər. Tədbir davam edir.