2017-ci il ədəbiyyat üzrə Nobel mükafatının qalibi yapon əsilli Britaniya yazıçısı Kazuo İşiquro oldu.

Kult.az xəbər verir ki, o, Nobel mükafatına “Emosianal romanlarında dünya ilə aramızdakı illüzor hissiyyat altında yatmış dərinlikləri üzə çıxardığına görə” layiq görülüb.

K.İşiquro 8 noyabr 1954-cü ildə Yaponiyanın atom bombardmanına məruz qalmış Naqasaki şəhərində anadan olub. 1960-cı ildə onun ailəsi İngiltərəyə köçüb. İşuquro “Məni əsla tərk etmə”, “Uşaqlığımı axtaranda”, “Uzaq təpələr” romanları ilə yanaşı, qısa hekayə, dram əsərlərinin müəllifi kimi də tanınır.

O, Buker Mükafatının dörd nominasiyasında qalib olub. 1989-cu ildə isə “Qalan günlər” əsərinə görə yenidən Buker Mükafatına layiq görülüb.

“Taym” dərgisi 2008-ci ildə Kazuonu 1945-ci ildən 2008-ci ilə qədərki 50 ən yaxşı yazıçı arasında 32-ci yerə layiq görüb.

Müəllifin “Məni heç vaxt tərk etmə” romanı əsasında film də çəkilib.

Qeyd edək, bu gün laureat olaraq adı açıqlanan Kauzo İşiquroya Nobel medalı dekabrın 10-da Stokholmda təqdim ediləcək. Mükafatın məbləği 1,1 milyon dollardır.