Xəbər verdiyimiz kimi, əməkdar artist Cabir Abdullayev Azərbaycan Milli Konservatoriyasındakı işindən uzaqlaşdırılmışdı.

Axşam.az-ın əldə etdiyi məlumata görə, xanəndə iki gün əvvəl yenidən müəllimlik fəaliyətinə qayıdıb. C.Abdullayev əməkdaşımızla söhbətində xəbəri təsdiqləyib. O bildirib ki, bu gündən işə başlayır:

“Dərslərdə bölgülər var idi, burada çətinlik yaranmışdı və işimdən uzaqlaşdırılmışdım. Sonra bu problem aradan qaldırılıb, dərslər normal qaydada bölünüb. Sağ olsunlar, yenidən işimə qaytardılar. Arada anlaşılmazlıq olmuşdu. İndi hər şey yolundadır, əvvəlki kimi işimdəyəm. Həftənin cümə günü geri qaytarılmağımdan xəbərim oldu. Bu gündən işimə başlayıram.

Media da bu hadisədə yanımda oldu. Çox sağ olsunlar ki, məni diqqətdə saxladılar. Hamı mediadan şikayətlənir, amma mən onlardan dəstək gördüm. Ölkənin sənət adamlarına qarşı çox diqqətlidirlər. Düz nədir onu da verdilər”.

QAZİLER.AZ saytı olaraq onu da qeyd edək ki, “Qarabağ qaziləri” birliyi əməkdar artist Cabir Abdullayevin müharibə iştirakçısı, şəhid ailəsi olmasını nəzərə alaraq onun müdafiəsinə qalxmışdı. Bununla bağlı mətbuatda birliyin açıqlamaları yayılıb.