Macarıstanın Miskolc, Seqed, Esterhazy Karoy adına Tətbiqi Elmlər universitetlərinin və Dunayvaroş Kollecinin nümayəndələri ölkəmizə səfərləri çərçivəsində Bakı Dövlət Universitetində olublar.
Axar.az xəbər verir ki, nümayəndə heyəti universitetin Xarici tələbələrlə iş üzrə dekanı Gülheyran Rəhimova və Beynəlxalq proqramlar şöbəsinin müdiri Elmira İsmayılova ilə görüşüblər. Qonaqlara bu təhsil ocağının tarixi, elmi nailiyyətləri, təhsilin inkişaf perspektivləri və beynəlxalq əlaqələri haqda məlumat verilib.Qeyd edək ki, görüşdə universitetlərarası əməkdaşlıq məsələləri müzakirə olunub.
