Aprelin 3-də Azərbaycan İstiqlal Muzeyinin ekspozisiyasında general Cəfər Kavianın 120 illik yubileyinə həsr olunmuş “İşıqlanan yaddaş” adlı tədbir-sərgi təşkil olunacaq.
Muzeydən AZƏRTAC-a bildirilib ki, sərgidə ilk dəfə olaraq Cəfər Kavianın şəxsi əşyaları, fotoşəkillər, sənədlər nümayiş olunacaq. Həmin əşyalar Cəfər Kavianın oğlu Mark Kavian tərəfindən muzeyə daimi mühafizəyə təhvil verilib.Tədbirdə Cəfər Kavianın mübarizə dolu ömür yolundan, qazandığı uğurlardan, insani keyfiyyətlərindən, vətənpərvərliyindən geniş söz açılacaq.
