Bakı Dövlət Universitetinin (BDU) Jurnalistika fakültəsində Azərbaycan Milli QHT Forumunun Elm Mərkəzi, Jurnalistika fakültəsi və Jurnalist Qadınlar Assosiasiyasının təşkilatçılığı ilə "Molla Nəsrəddin - 110" mövzusunda elmi konfrans keçirilib.

Universitetin Mətbuat və informasiya şöbəsindən Trend-ə verilən məlumata görə, tədbir şəhid əsgərlərimizin ruhunun bir dəqiqəlik sükutla yad edilməsi ilə başlayıb. Konfransı açan Jurnalistika fakültəsinin elmi işlər üzrə dekan müavini, dosent Sevinc Əliyeva tədbirin əhəmiyyətindən, "Molla Nəsrəddin" jurnalının fəaliyyəti və şərəfli tarixindən danışıb.

S.Əliyevanın moderatorluğu ilə davam edən tədbirdə Jurnalistikanın nəzəriyyəsi və təcrübəsi kafedrasının müdiri, professor Cahangir Məmmədli və professorlar Alxan Bayramoğlu, Allahverdi Məmmədli məruzəçi qismində çıxış ediblər.

Jurnalist Qadınlar Assosiasiyasının rəhbəri Sevil Yusifova, Azərbaycan Milli QHT Forumunun Elm Mərkəzinin rəhbəri Nüşabə Məmmədova, BDU-nun dosenti Vüqar Əliyev, AMEA-nın Nizami adına Ədəbiyyat İnstitutunun əməkdaşları Elmira Qasımova və Rauf Sadıqov tədbirin əhəmiyyətindən danışıblar.