Dövlət Gənc Tamaşaçılar Teatrında (GTT) isveçli rejissor Roni Danielsonun quruluşunda yeni tamaşa hazırlanacaq. Teatrdan Lent.az-a verilən məlumata görə, səhnə əsəri İsveç səfirliyi və Gənc Tamaşaçılar Teatrının birgə layihəsi əsasında reallaşacaq. Yaxın günlərdə tamaşanın məşqlərinə start veriləcək.

Layihə və tamaşa ilə bağlı teatrda R. Danielsonla görüş keçirilib. Məşhur İsveç dramaturqu Astrid Lindqrenin “Uzuncorab Peppi” romanı əsasında tamaşa hazırlanması haqqında müzakirələr edilib. Teatrın direktoru, əməkdar artist Mübariz Həmidov və yaradıcı heyətlə görüşən isveçli rejissor teatrın reperuarında olan “Balaca və damda yaşayan Karlson” tamaşasını izləyib. Tamaşadan sonra o, yaradıcı heyətlə fikir mübadiləsi aparıb. Rejissor dünyanın bir çox teatrlarında əsərlər səhnələşdirib.