Topçubaşov adına Elmi Cərrahiyyə Mərkəzinin reanimasiya şöbəsində olan xalq artisi Muxtar Manıyevin vəziyyəti ağır-stabil olaraq qalır. Bunu Lent.az-a açıqlamasında aktyorun oğlu Tural Manıyev bildirib: "Həyati təhlükəsi var. Əməliyyatdan sonrakı üç gün daha risklidir. Əməliyyatdan sonra hələ də özünə tam gəlməyib. Bu da təbiidir. Ağır əməliyyat olan insanın özünə gəlməyi bir müddət tələb edir. Huşu gedir-gəlir. Amma yenə də zəifdir. Həkimlər vəziyyətini stabil qiymətləndirirlər. Evə buraxılmaq barədə danışmaq hələ tezdir. Çünki hələ heç palataya köçürülməyib. Çox zəifdir”.