Azərtar MMC-dən QAZİLER.AZ-a verilən məlumata görə, martın 12-də 1 Saylı Sağlamlıq İmkanları Məhdud Gənclərin Peşə Reabilitasiya Mərkəzində AzərTar MMC-nin Direktoru Cavanşir Həsənovun təşkilatçılığı ilə Novruz şənliyi ilə əlaqədar olaraq "Çoxu Vardı, Azı Yox" adlı Xeyriyyə Konsert Proqramı keçirilib.Tədbirə Dövlət himni ilə açılış etdikdən sonra söz AzərTar MMC-nin direktoru Cavanşir Həsənova verilib.

C.Həsənov çıxışında ilk olaraq hər kəsi salamlayıb tədbirin təşkili üçün şərait yaradan Azərbaycan Respublikasının Əmək və Əhalinin Sosial Müdafiə Nazirliyi Dövlət Sosial Təminat Xidməti 1 saylı Sağlamlıq Imkanlari Məhdud Gənclərin Peşə Reabilitasiya Mərkəzinin direktoru Rəhilə Həsrətovaya minnətdarlığını bildirib.Daha sonra tədbirdə iştirak edən hər kəsin Novruz bayramını təbrik edib. Sonra söz mərkəzin rəhbəri Rəhilə Xanım Həsrətovaya verildi.Rəhilə Xanım öz çıxışında AzərTar MMC-nin gözəl atdım atdığını və Novruz bayramını onlarla bərabər keçirdikləri üçün onlara sonsuz təşəkkürünü bildirib.



Daha sonra tədbirə dəstək olan "PSYCHOGAMMA" Psixoloji Xidmət rəhbəri Limunət Əmrahlı və "İnci"xına evinin rəhbəri Nərgiz Yusifovaya təbrik üçün söz verildi. Sonrada mərkəzin aktyorları Keçəl, Kosa və Bahar xanım ilə tədbir başladi.Daha sonra sənətçilər Xan rəqs qrupu, Fidan Qiyasbəyova, Cahan Hacıyeva, Aynur Əliyeva, Inci qrupu, Virtioz rəqs qrupu, Vüqar Təmkin, Məsumə Əliyeva, Günay Bəylərqızı, Bəhlul Tufan gözəl ifaları ilə şənliyə davam etdiler.