İllinoys ştatındakı Kompyuter Sistemləri İnstitutunda (CSİ) ənənəvi illik Beynəlxalq Mədəniyyətlər festivalı keçirilib. Bu ali məktəbin tələbələrinin iştirak etdiyi festivalda dünya mədəniyyətini təmsil edən müxtəlif eksponatlar nümayiş olunub.
Azərbaycan mədəniyyətinə həsr edilmiş guşədə ölkəmizi bu institutunun azərbaycanlı tələbələri, həmçinin Çikaqo və onun ətraf bölgələrini əhatə edən Azərbaycan icmasının üzvləri təmsil ediblər. Xatırladaq ki, yerli Azərbaycan icmasının üzvləri artıq 4 ildir, bu festivalda iştirak edir. Onlar Azərbaycanı ləyaqətlə təmsil edir, Amerika ictimaiyyətini ölkəmiz barədə məlumatlandırırlar.Azərbaycan İllinoys ştatında keçirilən mədəniyyətlər festivalında təmsil edilib
