Dekabrın 6-dan 7-dək Moldova Respublikasında Azərbaycan Mədəniyyəti Günləri keçiriləcək.

Qaziler.az Moldova mətbuatına istinadən bildirir ki, bu günlərsdə bir sıra tədbirlər nəzərdə tutulub, o cümlədən:  səfirliyin yaxınlığındakı Meydanın rəsmi açılış mərasimi və tanınmış Azərbaycan müğənnisi Müslüm Maqomayevin barelyefinin təntənəli açılışı gözlənilir.

Orqan zalında  Azərbaycanın “Muğam Trio” qrupunun ifasında ənənəvi Azərbaycan musiqisi “Muğam” konserti olacaq. 

Tədbirdə Azərbaycan Respublikasının və Moldova Respublikasının rəsmi şəxsləri, Azərbaycan diasporunun nümayəndələri, ictimai-siyasi xadimlər, tələbələr, Moldova Respublikasında akkreditə olunmuş diplomatik korpusun nümayəndələri iştirak edəcəklər.

QAZİLER.AZ