Rumıniyanın dünya şöhrətli sənətkarı, bəstəkar, kaman ustası George Enescunun xatirəsinə həsr olunmuş musiqi festivalı təşkil olunub.

AZƏRTAC Cihan agentliyinə istinadla xəbər verir ki, 22-ci Beynəlxalq George Enescu Festivalı sentyabrın 20-dək davam edəcək. Festival çərçivəsində müxtəlif konsertlər veriləcək, sərgilər təşkil olunacaq.

Rumıniya prezidentinın açılışında iştirak etdiyi beynəlxalq musiqi festivalına xeyli sayda xarici qonaqlar qatılıb. 3 minə yaxın yerli və xarici sənət ifaçılarının iştirak edəcəyi festival ölkənin beynəlxalq arenada ən önəmli əhəmiyyət kəsb edən musiqi festivalı hesab edilir. Festivalda görkəmli sənətkarın 22 musiqi əsəri tədbirə dəvət almış müxtəlif dünya orkestrləri tərəfindən səsləndiriləcək.

Qeyd edək ki, Rumıniyanın dünya şöhrətli sənətkarı George Enescu 1955- ci ildə vəfat edib.