"Kuruluş Osman"da Şuşa ilə bağlı səhnə - VİDEO

"Kuruluş Osman"da Şuşa ilə bağlı səhnə -  VİDEO backend

Türkiyənin "Atv" telekanalında yayımlanan "Kuruluş Osman" serialında növbəti dəfə Azərbaycanla bağlı səhnə çəkilib.

Axşam.az Türkiyə mətbuatına istinadən xəbər verir ki, ekran işinin baş rol aktyoru Osman (Burak Özçivit) İnegölü fəth etdikdən sonra əsgərlərini başına topladığı səhnədə "Şərqdəki Şuşa da bizimdir" sözlərini deyir. 

O, daha sonra serialda "Gəncə bəy" obrazına həyat verən azərbaycanlı Avropa çempionu Zabit Səmədovu yanına çağıraraq "Gəncə bəy, yanına əsgər götür və orada bəylik qur" söyləyib.

Qeyd edək ki, daha əvvəl ekran işində Azərbaycanın Vətən müharibəsində qələbə qazanmasına toxunulmuşdu. Zabit Səmədov serialda zalım düşmənləri "İti qovan kimi qovduq" ifadəsini işlətmişdi.

loading...
Diaspora