Avqust ayının 18-dən etibarən azərbaycanlı aktyorlarla Türkiyənin məşhur kino və teatr aktyorları onlar üçün keçirilən yay məktəbi ilə bağlı bir araya gəlib.
Lent.az-ın məlumatına görə, Türkiyənin Bursa şəhərində Mudanya "Sahne Hanede təşkil olunan yay məktəbində Azərbaycan Gənc Tamaşaçılar Teatrının aktyoru, əməkdar artist Nofəl Vəliyev və Azərbaycan Dövlət Pontamima teatrının aktyoru Bəhruz Vaqifoğlu iştirak edəcəklər. Yay məktəbində azərbaycanlı aktyorlarla yanaşı türkiyəli məşhurlar Emre Karayel, Mert Firat, İlksen Başarir, Orhan Aydin, Selen Ucer, Gökhan Yikilkan, Ruhi Sari, Yeşim Koçak və Ferhat Uludere iştirak edəcəklər. Gənc Tamaşaçılar Teatrının aktyoru, əməkdar artist Nofəl Vəliyevin verdiyi məlumata görə, yay məktəbinin keçirilməsində əsas məqsəd yeni fəaliyyətə başlayan gənc aktyorlara aktyor sənətindən master klass keçməkdir.
Qeyd edək ki, yay məktəbi 23 avqusta kimi davam edəcək.
