“Məhəbbət və göyərçinlər” filmində baş rolun ifaçısı, Rusiya və sovet aktyoru Aleksandr Mixaylov beş il ərzində Ukraynaya buraxılmayacaq. Bu barədə Qazilər.az saytı “Ukrinform”a istinadən xəbər verir.

Bu qərar Ukraynanın televiziya və radio məsələləri üzrə Milli Şurasının ölkənin Təhlükəsizlik xidmətinə müraciətindən sonra qəbul edilib. Qeyd olunur ki, A. Mixaylov açıq-aşkar separatçıları dəstəkləyir.

Bundan əvvəl isə Ukrayna hökuməti Rusiyanın 14 mədəniyyət işçisini Doneçk və Luqansk könüllərini dəstəklədiklərinə görə ölkəyə girişini qadağan edib. Onlar arasında müğənni İosif Kabzon, aktyorlardan İvan Oxlobıstin, Mixail Poreçenkov və yazıçı-satirik Mixail Zadornov da var.

Qeyd edək ki, Aleksandr Mixaylov “Məhəbbət və göyərçinlər”, “Kişilər”, “Tənhalar üçün yataqxana”, “Karnaval” filmləri ilə daha çox tanınıb.