İyul ayının 10-da Bakı QHT Resurs və Təlim Mərkəzində “Vətənpərvərliyin Təbliğinə Dəstək” İctimai Birliyi Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Azərbaycanın Milli qəhrəmanı Şirin Mirzəyevə həsr olunmuş “Diqqət, mən 301-əm...” adlı sənədli filmin təqdimatı keçirilib. 33 dəqiqəlik sənədli filmdə Şirin Mirzəyevlə çiyin-çiyinə döyüşmüş zabitlərin və əsgərlərin xatirələri yer alıb. Nadir xroniki kadrların istifadə olunduğu filmin ssenari müəllifi Şirin Mirzəyevin əsgəri olmuş Qarabağ qazisi, tanınmış jurnalist Rey Kərimoğlu, rejissoru İlham Tumasvə Nicat Cəlilovdur.
“Diqqət, mən 301-əm...” filmində ilk dəfə olaraq vətənpərvərlik mahnılarının mahir ifaçısı Şəmistan Əlizamanlının ifasında, sözləri Arzu Nehrəmliyə, musiqisi Aydan Əliyevaya məxsus “Komandir marşı” yer alıb. Şirin Mirzəyevin həyat yoldaşı Flora Qasımova əfsanəvi sərkərdəmiz haqqında təəsüratlarını bölüşüb.“Diqqət, mən üç yüz birəm...” - Milli Qəhrəman Şirin Mirzəyev haqqında film
