Qarabağ"dan müraciət: ancaq holoqramlı bilet alın! Çempionlar Liqasınnı II təsnifat mərhələsi çərçivəsində keçiriləcək "Qarabağ" - "Rudar" oyununun biletləri sabahdan satışa çıxarılacaq.

Qol.Az-ın klubun saytına istinadən yaydığı xəbərə görə, iyulun 10-u səhər saat 10:00-dan etibarən biletlər matçın oynanılacağıTofiq Bəhramov adına Respublika stadionunun kassalarında satılacaq.

1-11-ci və 18-27-ci sektorlar üçün bilet qiyməti 1 AZN, 12-17-ci, 29 və 38-ci sektorlar üçün 2 AZN-dir. VİP bölməyə biletin qiyməti isə 20 AZN-dir.

Klub azarkeşlərə müraciət edib ki, biletin hər hansı fərdi şəxslərdən deyil, Respublika stadionunun kassalarından və holoqramlı bilet almağını xahiş edib. Kassadan bilet almaqla "Qara bazar" imkanlarını məhdudlaşdırmış olacağı bildirilib.

Klub tərəfindən ayrılmış mühafizə xidmətinin əməkdaşları da satış müddətində azarkeşlərə yardım etmək üçün çalışacağı qeyd olunub.

Xatırladaq ki, "Qarabağ" - "Rudar" matçı iyulun 15-i saat 21:30-da başlayacaq