Vətən müharibəsində qazandığımız böyük zəfərə borclu olduğumuz, Azərbaycanın yeni tarixni yazan 2783 şəhidimizdən biri də Camal Vidadi oğlu İsmayılovdur.

Camal İsmayılov 1984-cü ildə Neftçalanın Həsənabad qəsəbəsində dünyaya gəlib. Anası onun həkim olmasını arzulasa da Camal hərb sahəsini seçir və 2002-ci ildə hərbi xidmətə yollanır. O, ömrünün sonuna qədər, həyatının 18 ilini hərbiyə həsr edib. Bu illər ərzində Azərbaycan Respublikası Müdafiə Nazirliyinin Baş Qərargahının tabeçiliyində olan Xüsusi Təyinatlı Qüvvələrdə kəşfiyyatçı, baş gizir kimi fəaliyyət göstərib.

Camal İsmayılov 2016-cı ilin Aprel döyüşlərində də iştirak edib. Bu döyüşlərdə göstərdiyi şücaətə görə üçüncü dərəcəli medal ilə təltif olunub. Hərbi peşəkarlığını artırmaq üçün bir neçə ölkədə, o cümlədən, Türkiyədə, Gürcüstanda xüsusi təlimlərdə olub. Türkiyə generalları onu şücaətinə görə sertifikat və mükafatlarla təltif edib.

Ailəsinin dediyinə görə Camal öz valideynlərinə, ailəsinə, uşaqlarına çox bağlı olub. İki qızının intellektual yetişməsi üçün əlindən gələni etməyə çalışıb. Bir neçə ay sonra dünyaya gələcək övladı ilə bağlı da arzular, planlar qururmuş. Lakin ən böyük arzusu olan, Şuşaya bayraq sancmaq və yeni doğulacaq körpəsi ilə bağlı planlarını həyata keçirmək ona qismət olmur.

Oktyabrın 19-dan 20-nə keçən gecə Camal İsmayılov 16 cəngavər yoldaşı ilə birgə Laçın dəhlizi və Laçın dəhlizinə nəzarət edən yüksəkliyi fəth edir, düşmənə ağır zərbə vururlar. Camal İsmayılov üçün bu sonuncu söyüş olur. İsmayılov orada düşmən gülləsinə tuş gələrək, şəhidlik zirvəsinə yüksəlir. Onun şəhid olması xəbərini anası Filarə xanım öz doğum günündə- oktyabrın 21-də alır.

Şəhidimizin həyat hekayəsi ilə bağlı detallı aşağıdakı videodan məlumat ala bilərsiniz: