Moskvanın mərkəzində Stalin və Leninin oxşarları əlbəyaxa olublar. QAZİLER.AZ-ın ANS PRESS-ə istinadən məlumatına görə, indi onlardan hansının doğru olduğunu müəyyənləşdirmək asayiş qoruyucularına qalıb. Xəbəri yayan ”Moskovskiy Komsomolets” nəşrinin bildirdiyinə görə paytaxt metropoliteninin prokuroru Aleksandr Rıbak bildirib ki, oxşarlar arasında dava “Oxotnıy Ryad” metrostansiyasının küçəyə çıxan keçidində baş verib.

Zərərçəkən İqor Qorbunov (“Manejnıy” meydanında Leninin oxşarı kimi turistlərə xidmət göstərir) asayiş qoruyucularına bildirib ki, onu döyən Lətif Vəliyevi (Stalinin azərbaycanlı oxşarı) günorta iş yerində yaxalayıb. “İliç”- “Kobayla” salamlaşdıqdan sonra onlar kofe almağa gediblər. Lakin söhbət zamanı Vəliyev- Qorbunovun ona professional mənada xəyanət etdiyini və digər Stalin oxşarı ilə daha çox işlədiyini bildirib. Bu zaman mədəni diskusiya proletarlara layiq zərbə ilə bitib. Qorbunov həmkarından dönüb getmək istəyən zaman Vəliyev üç dəfə onun belindən çətir ilə vurub.

Zərəçəkmiş Lenin yumuşaq toxuma xəsarəti ilə poliklinikaya müraciət edib və eyni zamanda metropolitenin daxili işlər orqanına həmkarından şikayət ərizəsi yazıb.



Moskva metropolitenin prokurorluğu insidentin araşdırmasını öz üzərinə götürüb.

Oxşarlar illərdir bir yerdə işləyiblər.

Qeyd edək ki, Lenin və Stalin oxşarları illərdir bir yerdə işləyiblər. Onlar şəhərə gələn turistlərlə şəkil çəkdirərək çörək pulu qazanırdılar. Belə görünür ki, baş verən hadisədən sonra azərbaycanlı Stalin məsuliyyətə cəlb olunmasa belə özünə yeni həmkar axtarmalı olacaq.