I Avropa Oyunları zamanı Bakıdakı Azarkeşlər Evini 10 mindən çox qonaq ziyarət edib. Bu barədə “İnterfaks-Azərbaycan” agentliyinə Bakıdakı Rusiya İnformasiya və Mədəniyyət Mərkəzindən (RİMM) məlumat verilib.

I Avropa Oyunları müddətində fəaliyyət göstərmiş Azarkeşlər Evi öz işini başa çatdırıb.

Milli qonaq evlərindən fərqlənən Azarkeşlər Evinin qeyri-adi konsepsiyası mahiyyət etibarilə özünəməxsus dostluq evi idi və həm azarkeşlərin, həm də idmançıların çox xoşuna gəlirdi.

“Rusiya və Azərbaycan Azarkeşlər Evinin yaradılması ideyası çox maraqlı idi və özünü doğrultdu. Azarkeşlər Evi Avropa Oyunları zamanı diqqətəlayiq yerlərdən birinə çevrildi, həm Bakı sakinləri, həm də oyunları seyr etməyə gələn qonaqların böyük marağına səbəb oldu”, - deyə RİMM-in məlumatında Rusiya Olimpiya Komitəsinin prezidenti, Beynəlxalq Olimpiya Komitəsinin üzvü Aleksandr Jukova istinadən bildirilir.