“2016-cı il Aprel döyüşlərində Silahlı Qüvvələrimz tərəfindən əldə edilmiş qələbənin təbliği məqsədilə orta ümumtəhsil müəssisələrində təhsil alan gənclərlə görüşlərin keçirilməsi” adlı Layihə həyata keçirilmişdir.

Qaziler.az bildirir ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Azərbaycan Respublikası Qaçqın və Məcburi Köçkünlərin İşləri Üzrə Dövlət Komitəsi ilə birgə layihəsi üzrə “Məcburi Köçkün Müharibə Veteranlarına Dəstək” İctimai Birliyi tərəfindən “2016-cı il Aprel döyüşlərində Silahlı Qüvvələrimz tərəfindən əldə edilmiş qələbənin təbliği məqsədilə orta ümumtəhsil müəssisələrində təhsil alan gənclərlə görüşlərin keçirilməsi” adlı Layihə həyata keçirilmişdir.

Layihə çərçivəsində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə hazırlanaraq çap edilmiş “2016-cı il Aprel döyüşlərində Azərbaycan Silahlı Qüvvələrinin qələbəsi” adlı 270 ədəd büroşur Bakı şəhəri, Qaradağ rayonu “Qobu Park Yaşayış Kompleksi”ndə fəaliyyət göstərən Ağdam rayon 32 saylı, Laçın rayon 29 saylı və Zəngilan rayon 20 saylı Tam Orta Məktəblərin şagirdlərinə paylanmışdır.

Tədbirlər zamanı birliyin sədri Əbil Zeynalov çıxış edərək bu qələbənin əhəmiyyətindən danışımışdır.