Bu gün milli azadlıq hərəkatının lideri, Azərbaycan Xalq Cəbhəsinin lideri və Azərbaycanın ikinci Prezidenti Əbülfəz Elçibəyin vəfatından 20 il keçir.

Bu gün milli azadlıq hərəkatının və Azərbaycan Xalq Cəbhəsinin lideri, Azərbaycanın ikinci Prezidenti Əbülfəz Elçibəyin vəfatının növbəti ildönümüdür.

Qaziler.az bildirir ki, Azərbaycanın ikinci Prezidentinin ölümündən 20 il ötür.

Xatırladaq ki, Ə.Elçibəy 1938-ci ilin iyunun 24-də Ordubad rayonunun Kələki kəndində anadan olub. 1957-ci ildə Azərbaycan Dövlət Universitetinin (hazırkı Bakı Dövlət Universiteti) Şərqşünaslıq fakültəsinin ərəb filologiyası şöbəsinə daxil olub. 1962-ci ildə universiteti bitirərək təyinatla SSRİ Hidrolayihə İnstitutunun Bakı şöbəsində tərcüməçi işləyib. 1963-cü ilin yanvarında Misir Ərəb Respublikasına göndərilən Ə.Elçibəy 1964-cü ilin oktyabrına kimi Asuan bəndinin tikintisində tərcüməçi kimi çalışıb. Xarici ezamiyyətdən dönərək 1965-ci ildə ADU-nun aspiranturasına daxil olub və aspirantura təhsilini 1968-ci ildə uğurla tamamlayıb.

Ə.Elçibəy 80-ci illərin sonlarında Azərbaycanda başlayan milli azadlıq hərəkatının rəhbərlərindən, Azərbaycan Xalq Cəbhəsinin qurucularından biri olub. 1992-ci ildə Azərbaycan Respublikasının Prezidenti seçilən Ə.Elçibəy 1 il sonra Gəncə qiyamı ilə əlaqədar paytaxtı tərk edərək Kələki kəndinə gedib. O daha sonra siyasi fəaliyyətini Azərbaycan Xalq Cəbhəsi Partiyasının sədri kimi davam etdirib.

Ə.Elçibəy 2000-ci il avqustun 22-də 62 yaşında Türkiyənin Gülhanə Hərbi Tibbi Akademiyasında vəfat edib. O, Fəxri xiyabanda dəfn olunub.

Eks-prezidentin vəfatının 20-ci ildönümü Azərbaycanda və Türkiyədə bir sıra anım tədbirləri ilə qeyd olunacaq. Bakıda bir sıra müxalifət partiyaları onun məzarını ziyarət edəcək. Pandemiya ilə əlaqədar karantin rejimi tətbiq olunduğundan böyük toplantılar planlaşdırılmayıb.