QAZILER.AZ saytı xəbər verir ki, bu gün boks yarışlarında idmançılarımız 4-ü final, Teymur Məmmədov isə qızıl medal uğrunda mübarizə aparacaq. Lent.az-ın məlumatına görə, 52 kq çəki dərəcəsində Elvin Məmişzadə finala çıxmaq üçün almaniyalı Hamza Tuba ilə üz-üzə gələcək. 64 kq çəki dərəcəsində Azərbaycanı təmsil edən Lorenzo Sotomayar yarıminalda Ukrayna idmançısıViktor Petrovla qarşılaşacaq.

+91 kq çəki dərəcəsində Məhəmmədrəsul Məcidov rusiyalı Qasan Gimbatovla finala çıxmaq üçün döyüşəcək.

Qadınların 54 kq çəki dərəcəsində yarıminalda Anna Əlimərdanova rusiyalı Yelana Savelevaya gücünü sınayacaq.

Kişilərin 81 kq çəki dərəcəsində millimizin üzvü Teymur Məmmədov final qarşılaşmasına çıxacaq. O, qızıl medal uğrunda italiyalı Valentino Manfredoniya ilə döyüşəcək.


Qeyd edək ki, artıq boks yığmamızın aktivində 1 bürünc medal var.