Azərbaycanın ilk xüsusi təyinatlılarından olan qəhrəman kəşfiyyatçısı, ehtiyatda olan baş çavuş Suliddin İsayev vəfat edib.

Bu barədə kəşfiyyatçının komandiri olmuş polkovnik Xətai Baxışov məlumat verib. Koronovirusa yoluxan döyüşçü şəkər xəstəliyindən əziyyət çəkdiyi üçün vəfat edib.

Xidməti zamanı Prezident tərəfindən “İgidliyə görə” medalla təltif olunmuş S.İsayev düşmən arxasında bir sıra əməliyyatlarda iştirak edib.

S.İsayev 1974-cü ildə Siyəzən rayonda anadan olub. Ailəli idi, özündən sonra dörd övladı yadigar qalıb!

Xatırladaq ki, 1997-ci ildə düşmən arxasında mühüm tapşırıq yerinə yetirən ikinci qrupun tərkibində olub. Həmin zaman düşmən tərəfindən aşkarlanan qəhrəmancasına döyüşüb şəhid olan kəşfiyyatçılar haqqında bu linkdən tanış ola bilərsiniz:Düşmənə təslim olmayaraq özlərini partladan şəhid kəşfiyyatçılarımız haqqında məlumat




Allah rəhmət eləsin!

“Qarabağ qaziləri”, “Vətənpərvərliyin Təbliğinə Dəstək” ictimai birlikləri, “Azərbaycanın Milli Qəhrəmanı Asif (Fred) Məhərrəmov adına Milli Qəhrəmanların İnkişaf Fondu” və QAZİLER.AZ saytının kollektivi qəhrəmanımızın ailəsinə, yaxınlarına dərin hüznlə başsağlığı verir! Allah rəhmət eləsin!