Azərbaycan və Ermənistan sərhəddində iyulun 12-dən başlayan döyüşlər fonunda Ermənistan geri addım atmağa məcbur olub.
"Ölkə.Az" Türkiyə mediasına istinadən xəbər verir ki, Ermənistanın baş naziri Nikol Paşinyan Belarusun paytaxtı Minskdə keçirilən Avrasiya İqtisadi Birliyi Şurasının toplantısında Azərbaycanla yaşanan münaqişəni sonlandırmaq üçün sülhyönlü müzakirələrin tək alternativ olduğunu deyib:"Münaqişənin hərbi yolla aradan qaldırılması mümkünsüzdür, bunu yalnız sülh yolu ilə həll edə bilərik. Bu, bölgədəki xalqların mqəsədlərinə cavab verən yeganə reallıqdır".
Toplantıda Kreml sözçüsü Dmitri Peskov tərəflərin atəşkəsi bərpa edəcəyinə ümid etdiyini və Rusiyanın tərəflər arasında vasitəçilik üçün hər cür dəstəyə hazır olduğunu qeyd edib.
