Böyük Britaniyanın ibtimes.co.uk portalında “Bakı-2015” ilk Avropa Oyunları ilə bağlı geniş reportaj təqdim edilib.

QAZİLER.AZ saytının APA-a istinadən məlumatına görə, videomaterial Avropa Oyunlarının əhəmiyyəti, britaniyalı atletlər üçün yaradılan şərait və qazanılan uğurlarından bəhs edir. Reportajda hündürlükdən suya tullanma üzrə britaniyalı idmançılar Atletlər Kəndində onlar üçün yaradılan şəraitdən məmnunluqlarını ifadə ediblər. Qeyd olunur ki, Böyük Britaniya komandası möhtəşəm Bakı Su İdmanı Sarayında keçirilən yarışlarda 4 qızıl, 1 gümüş və 1 bürünc medal qazanıblar. Müxtəlif növlər üzrə 1 dəst medala sahib çıxan Ceyms Hitli 3 medal qazandığı üçün sevindiyini qeyd edib: “Bu cür nəticə əldə edəcəyimi gözləmirdim. Düşünürəm ki, ümidlərim doğruldu”.

Daha bir qızıl medal qazanan Metyu Li isə Avropa Oyunlarında və Atletlər Kəndində möhtəşəm ab-havanın olduğunu qeyd edib: “Bu mənim karyeramda ilk multi-idman yarışıdır. Atletlər Kəndində ab-havanı birinci dəfədir ki, duyuram. Bu möhtəşəm hissdir. Həyatımda ən gözəl təəssüratlardır. Ümid edirəm ki, “Rio-2016” Yay Olimpiya Oyunlarına lisenziya qazanacam. Bunun üçün çox çalışmalıyam”.