“Avropa Oyunlarından sonra 3x3 basketbol yarışlarına maraq daha da artacaq”. QAZİLER.AZ saytının APA-a istinadən məlumatına görə, bunu irlandiyalı basketbolçu Orla Oreilli deyib.

O, Bakıda keçirilən Avropa Oyunlarını yüksək qiymətləndirib: “Burada hәzz alırıq. Oyunların tәşkilinә böyük səylər sərf olunub. Bu çox gözəldir”.

Oyunlar barədə öz təəssüratını bölüşən rumıniyalı basketbolçu Angel Santana isə Bakının küləkli şəhər olmasına baxmayaraq, çox gözəl olduğunu deyib: “İnsanlar çox mehribandır. Onlar burada olmağımızdan şaddır və bunu açıq bildirirlər”.

A. Santana Azərbaycan yığmasının güclü komandalar arasında yer aldığını deyib. Onun sözlərinə görə, son vaxtlar iki qarşılaşma olub, birində Azərbaycan, digərində isə Rumıniya qalib gəlib: “Rəqabət güclü olacaq. Serbiya sonuncu dəfə çempionatda qalib gəlib. Onlar da çox güclüdür”.