İyunun 18-də "Baku Cristal Hall"da kişilər arasında boks yarışının üçüncü gününə start verilib.

QAZİLER.AZ saytının Trend-ə istinadən məlumatına görə, günün birinci yarısında 1/16 final mərhələsində 60, 69 və 81 kiloqram çəki dərəcələrində ümumilikdə 8 görüş keçiriləcək.

Rinqə Azərbaycan, Türkiyə, İrlandiya, Ukrayna, Rusiya, Litva, Yunanıstan, Böyük Britaniya, Xorvatiya, İsrail, Belarus, Moldova, Polşa, Ermənistan və Slovakiya idmançıları çıxacaqlar.

Bu gün Azərbaycanın idman şərəfini 81 kiloqram çəki dərəcəsində Avropa çempionu, Olimpiya Oyunlarının bürünc mükafatçısı Teymur Məmədov və 64 kiloqram çəki dərəcəsində Kollazo Sotomayor qoruyacaqlar.

XXX

Avropa çempionu, Olimpiya Oyunlarının bürünc mükafatçısı Teymur Məmmədov "Bakı-2015" ilk Avropa Oyunlarına qələbə ilə başlayıb.

Azərbaycan boksçusu 1/16 final mərhələsində Böyük Britaniya təmsilçisi Coşua Buatsi ilə qarşılaşıb. Görüş Azərbaycan təmsilçisinin 3:0 hesablı qələbəsi ilə yekunlaşıb.