Avropa və dünya çempionumuz Xetaq Qazyumovun ilk sınağı təsnifat mərhələsinə təsadüf edib. Güləşçimiz öncə Radoslav Baranla (Polşa) qüvvəsini sınayıb. Rəqibinə çətin anlar yaşadan Xetaq qarşılaşmanı vaxtından əvvəl xeyrinə bitirib - 10:0.

Bu gün I Avropa Oyunlarında sərbəst güləş üzrə kişilərin yarışı başlayır. Lent.az-ın məlumatına görə, 4 çəki üzrə pəhləvanlarımız mübarizə aparacaq.

57 kq çəki dərəcəsində Azərbaycanı Yaşar Əliyev təmsil edəcək. O, mübarizəyə 1/8 finaldan başlayacaq. Yaşar Əliyev ilk qarşılaşmasında fransalı Zoheir El Ouarraqe üz-üzə gələcək.

65 kq çəki dərəcəsində olimpiya çempionumuz Toğrul Əsgərov mübarizə aparacaq. O, ilk mərhələdə rusiyalı İlyas Bekbulatovu 8-7 hesabı ilə qalib gələrək 1/8 finala yüksəlib.

74 kq çəki dərəcəsində millimizi Cəbrayıl Həsənov təmsil edəcək. Pəhləvanımız Yaşar Əliyev kimi yarışa 1/8 final mərhələsindən başlayacaq. O, ilk görüşünü macarıstanlı Mihali Haqi ilə keçirəcək.

97 kq çəki dərəcəsində Azərbaycanı təcrübəli idmançı Xetaq Qazyumov təmsil edir. O, ilkin mərhələdə polşa idmançısı Radoslav Baranla üz-üzə gələcək.