Fevralın 10-da Bakıda və Abşeron yarımadasında hava şəraiti dəyişkən buludlu olacaq, arabir tutulacaq, əsasən yağmursuz keçəcək. QAZİLƏR saytı xəbər verir ki, Ekologiya və Təbii Sərvətlər Nazirliyindən Lent.az-a verilən məlumata görə, bəzi yerlərdə duman olacaq, şimal küləyi əsəcək, arabir güclənəcək. Havanın temperaturunun gecə 3-5, gündüz 7-9 dərəcə isti olacağı gözlənilir.
Azərbaycanın rayonlarına gəlincə, sabah bəzi yerlərdə yağış yağacaq. Dağlıq və dağətəyi rayonlarda sulu qar, qar yağacaq. Gündüz əksər rayonlarda hava şəraiti yağmursuz olacaq. Qərb küləyi əsəcək, arabir güclənəcək.Havanın temperaturunun gecə 0-5, gündüz 8-13 dərəcə isti, dağlarda gecə 0-5, yüksək dağlıq ərazilərdə 6-11 dərəcə şaxta, gündüz 2-7 dərəcə isti olacağı gözlənilir.
