Avropa Oyunlarında çıxış edən Azərbaycan yığması bu gün hesabına daha bir qızıl medal yazdırıb. Qadın güləşçilər arasında 48 kiloqram çəki dərəcəsində mübarizə aparan yığmamızın lideri Mariya Stadnik finalda bolqarıstanlı Eltsa Yankova ilə qarşılaşıb.
İlk hissədə rəqibinə 10-1 hesabı ilə qalib gələn Stadnik ikinci hissə başlayan kimi Yankovaya macal verməyib və iki xal qazanaraq görüşü təmiz qələbə ilə başa vurub. Qələbəsini Azərbaycan bayrağını dalğalandırmaqla qeyd edən Mariya Stadnikin bu hərəkəti tamaşaçıların alqışlarına səbəb olub.Mariya Stadnik qızıl medal qazandı!
