ABŞ-ın məşhur CNN telekanalı Azərbaycanın milli Çövkən oyunu ilə bağlı reportaj hazırlayıb. APA-nın məlumatına görə, reportajda bu oyunun tarixinin birinci minilliyin ortalarına gedib çıxdığı qeyd olunur: “Baxmayaraq ki, əsas qaydalar polo oyundakı kimidir, lakin bu oyunda müdafiə dəbilqəsi və oyunçular üçün digər müdafiə geyimləri yoxdur. Çövkən daha çox bacarıq və cəsarət oyunudur”.
Yarışlarda sürət və dözümlülüyü ilə Azərbaycana xas olan Qarabağ atlarından istifadə edildiyi qeyd edilir. Materialda Azərbaycan Atçılıq Federasiyasının prezidenti Bəhruz Nəbiyevin açıqlamaları da yer alıb.
Həm Çövkən oyununun, həm də Qarabağ atlarının UNESCO tərəfindən dünya iris siyahısına daxil edildiyi bildirilir.
