İran İslam Respublikası ilə Azərbaycan KİV-ləri arasında əlaqələrin möhkəmləndirilməsi məqsədi ilə bu gün ölkəmizin bir qrup media işçisi İranın Şərqi Azərbaycan əyalətinə yola düşüb.
İranın Azərbaycandakı səfirliyindən APA-ya bildirilib ki, eyni zamanda, səfər İranın iqtisadi və mədəni, həmçinin turizm sahəsində mövcud potensialı ilə tanışlıq məqsədi daşıyır.Qeyd edək ki, bundan əvvəl də Azərbaycan media nümayəndələrinin İranın müxtəlif yerlərinə səfərləri təşkil olunub.
